Ravn slo HaNo

(kom ikkje meg inn på HaNo-sida, legg lite referat her så lenge)
Ravn-HaNo 3-2. Periodevis var HaNo best, men i målprotokollen vann Ravn 3-2 i eit ganske så jamspelt oppgjer i Uggedalen onsdag kveld. Odd Einar Molnes og Lars Petter Haram skåra for HaNo.

10.03.10, Uggedalen stadion.
Kampfakta: Ravn-HaNo 3-2 (1-2)
Mål:
1-0 (20)
1-1 Odd Einar Molnes (32)
1-2 Lars Petter Haram (37)
2-2 (49)
3-2 (52)
Dommar: Arild Vegsund, Norborg.

Ravn hadde øvd oppspelsmønster i 4-3-3, og hadde HaNo på hælane i starten. Dei tok også leiinga etter passivt defensivt spel av HaNo i starten av første omgang. Men HaNo kom tilbake, og greidde å løfte laget litt lenger opp på bana. Nykomar Øyvind Risan (Ex. Clausenenga, har heldt opp i mange år) var frisk på venstrekant. La inn til Stig Frode Longva som vann ein duell og la til rette for Odd Einar Molnes som skåra frå 17 meter. Lars Petter Haram tok HaNo opp i leiinga på eit perfekt Vegard Halkjelsvik-hjørnespark. HaNo-leiing til pause, der også gutespelar Håkon Inge Haram gjorde eit friskt innhopp som spiss.

Ravn snudde
Ravn snudde kampen i ein frisk start av den andre omgangen. HaNo hang ikkje med i svingane, og det var stor Ravn-dominans i starten av omgangen. Men HaNo kom tilbake, og Per Jarle Fjørtoft var nærmast med sitt stolpeskot i jakta på utlikning. HaNo brukte tre 16-åringar og to 17-åringar i denne kampen.. Dei unge får kjenne på nivået, og det er meget bra. Ole Kristian Otterlei (høgreback i andre omgang) spelte sin første kamp for HaNo. Ravn hala i land sigeren i ein relativt jamspelt kamp.

HaNo (4-4-2): Henrik Åkre- Eivind Fugledal, Demir Haram, Michael Austnes, Lars Åkre - Odd Einar Molnes, Lars Petter Haram, Vegard Halkjelsvik, Øyvind Risan – Stig Frode Longva, Cato Longva.

Nytta innbyttarar: Håkon Inge Haram, Mads Uri, Steven Haram, Ole Kristian Otterlei, Per Jarle Fjørtoft, Sindre Longva.