Litt meir kjøt på beina no om treningshelga vår i midten av februar. Den blir ikkje frå fredag-laurdag, men frå
Laurdag 13.- søndag 14. februar.
Då er det meininga å reise frå Brattvåg kl 1040 eller frå Haramsøy med hurtigbåt kl 1135. Det blir ei 6-lagsturnering i 9-arfotball mellom laga Harøy, HaNo og Ravn. Vi stiller med to jamngode lag frå kvar av dei tre klubbane. Dei blir delt inn i to puljer med gruppespel. Sluttspel med kamp om 5.plass, bronsefinale og finale. Det blir også dameturnering med HaNo/Lepsøy mot Harøy. Greier kanskje damelaget å stille med to lag?
Høve til å bruke badeland laurdag ettermiddag (og kanskje søndag). Laurdagskvelden blir det mat og sosiale aktivitetar, muligens ein dans som alle kan gå på. Søndag blir det frukost, og ei treningsøkt i hallen før vi reiser attende til der vi måtte kome frå. HaNo FK har sagt seg villig til å støtte treningsleiren økonomisk, men vi veit ikkje endå med kor mykje.
Detaljar om pris, overnatting osb. kjem seinare. Men set av helga, for dette blir bra!
Abonner på:
Legg inn kommentarer (Atom)
Ingen kommentarer:
Legg inn en kommentar